Oraindik ere buruko mina daukat
marko legalean murgildu ondoren. Ez dut imajinatu ere egin nahi tesia idazteko
hartutako lanaren ondorengo ajea nolakoa izan ote zitzaion autoreari
(jijijiji...).
Egia esan beti izan dut buruan gaia
ongi lantzeko abagunea hartzearen ideia. Sakon murgildu ez bakarrik legediek
zehazten duten horretan, nire interpretazio propioa egin eta horrekiko
diskurtso bat sortzeraino murgildu baizik. Agian aurretik egina izan beharko
nukeen kontua da, datorren urtean hezitzaile izateko prest egongo naizela
suposatzen da eta oraindik ez dut hori kontrolatzen. Beldur pixka bat badiot
une horri, gela batera sartu eta momentu batean bakarrik geratuko naizela
pentsatze hutsak ematen dit halako ez dakit... Erreparoa edo...
Dena dela, oposizioen prozesuari
begira egin beharreko kontua izanen da eta une hori probestu genezake marko
legalaren lanketa serioa egiteko. Inguruan tokatu izan zait lan horretan jarri
den jendea, oposizioen aurreko lan gogortzat hartu zutenak. Indarrak eta
denbora batu beharko ditut ba.
Iruzkinak
Argitaratu iruzkina